శ్రీవినాయకస్తోత్రం

శ్రీవినాయకస్తోత్రం 

                   

ఓం మూషికవాహన మోదకహస్త చామరకర్ణ విలంబితసూత్ర .
వామనరూప మహేశ్వరపుత్ర విఘ్నవినాయక పాద నమస్తే ..

దేవదేవసుతం దేవం జగద్విఘ్నవినాయకం .
హస్తిరూపం మహాకాయం సూర్యకోటిసమప్రభం .. 1..

వామనం జటిలం కాంతం హ్రస్వగ్రీవం మహోదరం .
ధూమ్రసిందూరయుద్గండం వికటం ప్రకటోత్కటం .. 2..

ఏకదంతం ప్రలంబోష్ఠం నాగయజ్ఞోపవీతినం .
త్ర్యక్షం గజముఖం కృష్ణం సుకృతం రక్తవాససం .. 3..

దంతపాణిం చ వరదం బ్రహ్మణ్యం బ్రహ్మచారిణం .
పుణ్యం గణపతిం దివ్యం విఘ్నరాజం నమామ్యహం .. 4..

దేవం గణపతిం నాథం విశ్వస్యాగ్రే తు గామినం .
దేవానామధికం శ్రేష్ఠం నాయకం సువినాయకం .. 5..

నమామి భగవం దేవం అద్భుతం గణనాయకం .
వక్రతుండ ప్రచండాయ ఉగ్రతుండాయ తే నమః .. 6..

చండాయ గురుచండాయ చండచండాయ తే నమః .
మత్తోన్మత్తప్రమత్తాయ నిత్యమత్తాయ తే నమః .. 7..

ఉమాసుతం నమస్యామి గంగాపుత్రాయ తే నమః .
ఓంకారాయ వషట్కార స్వాహాకారాయ తే నమః .. 8..

మంత్రమూర్తే మహాయోగిన్ జాతవేదే నమో నమః .
పరశుపాశకహస్తాయ గజహస్తాయ తే నమః .. 9..

మేఘాయ మేఘవర్ణాయ మేఘేశ్వర నమో నమః .
ఘోరాయ ఘోరరూపాయ ఘోరఘోరాయ తే నమః .. 10..

పురాణపూర్వపూజ్యాయ పురుషాయ నమో నమః .
మదోత్కట నమస్తేఽస్తు నమస్తే చండవిక్రమ .. 11..

వినాయక నమస్తేఽస్తు నమస్తే భక్తవత్సల .
భక్తప్రియాయ శాంతాయ మహాతేజస్వినే నమః .. 12..

యజ్ఞాయ యజ్ఞహోత్రే చ యజ్ఞేశాయ నమో నమః .
నమస్తే శుక్లభస్మాంగ శుక్లమాలాధరాయ చ .. 13..

మదక్లిన్నకపోలాయ గణాధిపతయే నమః .
రక్తపుష్ప ప్రియాయ చ రక్తచందన భూషిత .. 14..

అగ్నిహోత్రాయ శాంతాయ అపరాజయ్య తే నమః .
ఆఖువాహన దేవేశ ఏకదంతాయ తే నమః .. 15..

శూర్పకర్ణాయ శూరాయ దీర్ఘదంతాయ తే నమః .
విఘ్నం హరతు దేవేశ శివపుత్రో వినాయకః .. 16..




ఫలశ్రుతి

జపాదస్యైవ హోమాచ్చ సంధ్యోపాసనసస్తథా .
విప్రో భవతి వేదాఢ్యః క్షత్రియో విజయీ భవేత్ ..

వైశ్యో ధనసమృద్ధః స్యాత్ శూద్రః పాపైః ప్రముచ్యతే .
గర్భిణీ జనయేత్పుత్రం కన్యా భర్తారమాప్నుయాత్ ..

ప్రవాసీ లభతే స్థానం బద్ధో బంధాత్ ప్రముచ్యతే .
ఇష్టసిద్ధిమవాప్నోతి పునాత్యాసత్తమం కులం ..

సర్వమంగలమాంగల్యం సర్వపాపప్రణాశనం .
సర్వకామప్రదం పుంసాం పఠతాం శ్రుణుతామపి ..

.. ఇతి శ్రీబ్రహ్మాండపురాణే స్కందప్రోక్త వినాయకస్తోత్రం సంపూర్ణం ..