శ్రీ భువనేశ్వర్యష్టోత్తర శతనామ స్తోత్రం

శ్రీ భువనేశ్వర్యష్టోత్తర శతనామ స్తోత్రం

అథ శ్రీ భువనేశ్వర్యష్టోత్తర శతనామ స్తోత్రం .

ఈశ్వర ఉవాచ

మహాసమ్మోహినీ దేవీ సుందరీ భువనేశ్వరీ 
ఏకాక్షరీ ఏకమంత్రీ ఏకాకీ లోకనాయికా    1

ఏకరూపా మహారూపా స్థూలసూక్ష్మశరీరిణీ 
బీజరూపా మహాశక్తిః సంగ్రామే జయవర్ధినీ    2

మహారతిర్మహాశక్తిర్యోగినీ పాపనాశినీ 
అష్టసిద్ధిః కలారూపా వైష్ణవీ భద్రకాలికా      3

భక్తిప్రియా మహాదేవీ హరిబ్రహ్మాదిరూపిణీ 
శివరూపీ విష్ణురూపీ కాలరూపీ సుఖాసినీ     4

పురాణీ పుణ్యరూపా చ పార్వతీ పుణ్యవర్ధినీ 
రుద్రాణీ పార్వతీంద్రాణీ శంకరార్ధశరీరిణీ    5

నారాయణీ మహాదేవీ మహిషీ సర్వమంగలా 
అకారాదిక్షకారాంతా హ్యష్టాత్రింశత్కలాధరీ     6

సప్తమా త్రిగుణా నారీ శరీరోత్పత్తికారిణీ 
ఆకల్పాంతకలావ్యాపిసృష్టిసంహారకారిణీ   7

సర్వశక్తిర్మహాశక్తిః శర్వాణీ పరమేశ్వరీ 
హృల్లేఖా భువనా దేవీ మహాకవిపరాయణా    8

ఇచ్ఛాజ్ఞానక్రియారూపా అణిమాదిగుణాష్టకా 
నమః శివాయై శాంతాయై శాంకరి భువనేశ్వరి     9

వేదవేదాంగరూపా చ అతిసూక్ష్మా శరీరిణీ 
కాలజ్ఞానీ శివజ్ఞానీ శైవధర్మపరాయణా    10

కాలాంతరీ కాలరూపీ సంజ్ఞానా ప్రాణధారిణీ 
ఖడ్గశ్రేష్ఠా చ ఖట్వాంగీ త్రిశూలవరధారిణీ    11

అరూపా బహురూపా చ నాయికా లోకవశ్యగా 
అభయా లోకరక్షా చ పినాకీ నాగధారిణీ      12

వజ్రశక్తిర్మహాశక్తిః పాశతోమరధారిణీ 
అష్టాదశభుజా దేవీ హృల్లేఖా భువనా తథా    13

ఖడ్గధారీ మహారూపా సోమసూర్యాగ్నిమధ్యగా 
ఏవం శతాష్టకం నామ స్తోత్రం రమణభాషితం    14

సర్వపాపప్రశమనం సర్వారిష్టనివారణం 
సర్వశత్రుక్షయకరం సదా విజయవర్ధనం      15

ఆయుష్కరం పుష్టికరం రక్షాకరం యశస్కరం 
అమరాదిపదైశ్వర్యమమత్వాంశకలాపహం    16

ఇతి శ్రీరుద్రయామలే తంత్రే భువనేశ్వర్యష్టోత్తరశతనామ సమాప్తం .